(السبوع الثالث والرابع )
بدت علاقتي تقوي بالشباب و خاصه يلوي وفلوه كان لنا نضام اسبوعي الاثنين في مرقص اسمه ( 22) والثلاثاء في نوشا ( ملك نوشا ههههههه) وطبعا والاربعاء يانروح مطعم ولا السوق المهم اننا نقضي الوقت والخميس في مرقص اسمه بلاري اكبر نايت كلب في كامبرج كنت اذا رجعت البيت بدري 1:30 وفي العاده 3 اباذكرلكم الاشياء المميزه اللي صارت في ذي الفتره
( البولينق )
المدرسه نضمولنا رحله للبولنق على حساب المدرسه رحنا كلنا وانا المره هذي كنت مع قروب كلهم برازيليين و معانا الكوري جون والفرنسي جيرمي لما جينا نلعب سالني ديوقو تعرف تلعب قلت في حياتي ما مسكت كوره بولينق علمني كيف ارميها الحلو في السالفه اني اول مره امسك الكوره وارميها وطيحتها كلها الشباب كانو يحسبوني امزح معهم لما قلت اني ما اعرف بس بعدين عرفوا اني صادق لان الكور كلها كانت تطلع برا
( كرة القدم )
نضمت المدرسة مباراة بين الطلاب اللي يبي يلعب جينا بعد المدرسه الساعه 4 عصر او نقدر نقول ظهر لان صلاة العصر الساعه 5 لما بدينا التفريق كان العرب في جهه والبرازيليين في جهه انا كان اصدقائي برازيليين بس برضوا العصبيه لها دور رحت مع العرب صار فريق عرب وفريق برازيليين مع كم لاعب من جنسيات مختلفه في الفريقيين بدت المعركه و كروا المحاربين وفروا وفي النهاية حصلت المفاجئة فزنا على البرازيلين 5-1 رجعت البيت نع برونو وانا اضحك عليه بس مثل ما يقول المثل يوم لك ويوم عليك المباريات اللي بعدها كانت كلها فريق عربي وفريق من كافة الجنسيات و كل مره كنا نخسر صحيح من يضحك اخيرا يضحك كثيرا في وحده من الباريات كنت انا دفاع و مستبيع ما خليت حد يمر شوي الا جا واحد ايطالي ماشي طبلونه والولد طويل وعريض انا خربتها و اخش فيه وجه الوجه انا ناصيه وهو ما طق خبر الا و ارقعه وجه لوجه انا طحت على الارض وحالتي حاله والاخ ما تحرك راح وعدا في الباقين وسجل هدف بعديين رجع يعتذرلي بس توبه ما عاد اخربها العب بأدب
(قيلارمي السكران)
في يوم دعتنا فلوه نلعب بوكر في السكن عندها في قابلت الشباب ورحنا لها كان يوم الخميس يعني بلاري بس بلاري يفتح الساعه 9 والعاده حنا نروح من 11 الى 3 رحنا لفلوه الساعه7 انا ويدوقو وكم واحد برازيلي وكان معانا واحد اسمه قيلارمي لعبه البوكر انا ما اعرفها بس لما جينا نلعب قالوا اووووووه نسينا كريم ما يشرب واللعبه فيها الشرب شرط اساسي المهم انا جلست اسولف واتابع اللي يخسر يشرب الفودكا بدون ما يخلطها مع العصير يعني مركز قيلارمي انتفخ من الشرب وبدا يسكر يوم جت الساعه 11 كان مهانا واحد غير قيلارمي منتهي راح بيته حنا رحنا لبلاري وحنا في الطريق نشبلنا قيلارمي يضحك ويقولي ( let,s take a photo )
يعني خلنا ناخذ صوره وطول الليل تصوير يوم جينا بندخل بلاري ما قدرنا لان معنا واحد سكران والله جلسنا بين الاسواق المسكره طبعا وكان في كشك اكل فاتح شوي الا قيلارمي ماشيله ويطيح ذيك الطيحه على ظهره انصرعنا من الضحك جينا بنمشي وبس عيا يوقف تصوير خذت فلوه كيمرته وراحت هنا قيلارمي قفلت معه ويصيح الزبده ياله انه هدا ونركبه التكسي وهو زعلان ويقولي انت ما تدري هذولا قصده الشباب يبوني امشي للبيت نص ساعه ( والاخ ما يدري اننا ماخذينه لبيته بالتكسي ) الزبده حاولت فيه مره شوي يضحك شوي ينام وصلناه بيته و المفتاح كان مو معاه مع خويه دخلناه ومشينا للبيت انا واحد بيوتنا على نفس الطريق الزبده ما وصلت البيت الا الساعه 5 والحصه الاولى سيفون واطلع من البيت على الساعه 10 واقابل خويي اللي امس في الطريق و نروح نتكي مع شباب لقيناهم قدامنا اللي هم برونو والايطالي اللي صعته في المباراه بعدين رحنا المدرسه و الغريب اننا كلنا اللي كنا سوا امس محد حضر الحصه الاولى الا قيلارمي ولما عطوه الكيمره وشاف الصور وعلمناه وش صار امس قعد يضحك على نفسه وكان يوم الجمعه اخر يوم في الاسبوع الرابع يعني عنوان جديد
( الوداع )
ضحكنا على قيلارمي الخ.... لما رحت الصف وزعت علينا الاستاذة التقارير كانت معطيتني من 5 في الكلام 3:5 مع ان جون الكوري اللي ساعه على بال ما يكون جمله معطيته 4 انا ولعت ويوم جا وقت الاستراحه واطله وانا مطرطع وكل ما وريت واحد التقرير قالي حرام انت تستاهل اكثر في الكلام انا ولعت كنت واقف مع برونو و الايطالي و الشباب البرازيلين و جيريمي و جون ومن القهر حذفت التقرير وقمت ارقص عليه العالم ضحكوا علي لين زانو وفي هذي اللحضه جت فلوه تسلم علينا لانها هي والرازيلين كلهم بيمشون وهذى اخر يوم لهم سلمت على الشباب واحد و احد ولما جت عندي ضمتني و قامت تبكي انا هنا نسيت التقرير و ابو التقرير انلحست كريم بنت تضمك و تبكي مو معقوله الزبده انا طرت في العجه واراضيها و امسح دموعها اللحضه هذي اثرت على الى اليوم هذا ما قدرت انساها وفي الليل كان في في المرسه حفلة شوي للطلاب عشان اللي بيمشون رحت الحفله والله كانت كأيبه بالنسبه لي لاني لسف قاعد افكر في فلوه وهي مشت في العصر وما قدرت تحضر الحفله لان طيارتها قبل الباقين في الحفله كنت مع الروسي اندريو وكل ما مرت طياره اقول هذي طياره فلوه و اغنيلها ( ( I believe I can fly
و الروسي يضحك ونسال الشباب وين اتجاه البرازيل عشان نغني للطياره اللي في الاتجاه الصحيح و في لما انتهت الحفله كنت واقف مع ديوقو وهو بصراحه من اعز من خاويت ولما جا يسلم على سلم وسجد لي انا ارتبكت اول شي رفعته عن الارض وحاولت اشرح له وش معنى الشي هذى عندنا بس مافي وقت الولد مشا
كان والويك اند هذا من اكره ما قابلت في حياتي وكان كله حزن على اللي مشوا بالذات فلوه
اسف جدا على التاخير
سلللللللللللللللام
|
أنت غير مسجل في منتديات ولايـ91ـة الأسطورة . للتسجيل الرجاء إضغط هنـا
